الحب مازة، وإنتِ كاس عرق...
السكرة، أحلى من الحلو، والزهزهة زهر رمان،
النظرة، أصل الغرام، والعطر بحر،
اللمس ذوبان، والريق شهد ثمرة،
كدشة، وبيصير العمر فرحة، كدشة بعد، وبتصير النشوة لسان،
بلعة، للقلب بلسم وبلعة، ، لتحلى الروح،
الحب مازة، والكاس بوسة على شفافك،
الرغبة جوع، والجوع شبق،
والشبق تم وتم، وبينهم مفتاح الجنّة،
وبالجنة تفاح أحمر، عخدي لما بيلمحِك،
بالبال غمزة، وضحكة، وجناح رفع الكاس، وشرب الكاس مقفى،
من كتر الصبابة، صبّيت بعد، من كثر الراح، راحتْ عليّ،
من كتر اللق، التويت، من كتر الشوق، اكتويتْ
من كتر الجوع، إلك، إجِتْ القريحة،
سبقتني بالنهم، مزمزتْ معي،
آكل من طعمِك، إشرب من ميّتِك
وعيد:
الحب مازة، وشفافِك كاس العرق.
الحبّ مــازة
